12-24-2007, 09:43 AM
|
المشاركة رقم: 1 | |||||||||||||||||||||||||||||||||||||||||||||||||||
|
المنتدى :
..~:: منتدى الاطباق الرئيسية ::~..
مطبخ فلاش - يم يم ^^
مرحبا البوست هاد راح يكون عشان نحط فية اكلاتنا الي احنا بنعرفها واتعلمانها وكمان اكلات جاهزه والي كمان حابب انو يتعلم اي اكلة مهما كانت يسالني وان بعرفها انا جاهز ان شاء الله ياريت الك يشارك معنا فية  l'fo tgha - dl ^^
|
|||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||
|
12-24-2007, 09:45 AM
|
المشاركة رقم: 2 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
دجاج محمر بالفرن مع رز بالخضار الاكلة الي راح اكتبها بتكفي اربع اشخاص المقادير 2 دجاجة مقطعين حسب الرغبة 1 كيس خضار مشكل 1\2 كيلو رز بسمتي او سن وايت حسب الرغبة هاي الاساسيات اما الشغلات الي لازمة بالطبية بصل - ثوم - بهارات - ملح - خل - زيت طريقة التحضير بنجيب الخلاط وبنحط فية بصلتين مقطعين - ثوم ثلاث الى خمس حبات - كوب ماء - نص كوب زيت - نص كاسة خل - بهار وملح يضربو بالخلاط ضربا مبرحا لحتى كلهم يتجانسو مع بعض بنكون احنا بالفتره هاي خلصنا غسل الجاج وفردة بالصينة بنصب علية الخلطة هاي مع الاحتفاظ بالقليل منها وبنغلف الصينة وعلى الفرن طوالي وبنساها بدرجة حرارة معتدلة وبعد ما تستوي بنشويها قبل التقديم بعشر دقايق وهيك بنكون خلصنا من الجاج الي بعدة الرز والخضار بنحط الخضار بمي سخنـة لفتره معينة مع رشة بهار خفيفة وممكن الملح والرز بنكون ناقعينة ومغيرن علية المي كذا مره عشان النشا يخف منه بنصفي كل من الرز والخضار لحال وبنضيف شوية زيت على الطنجرة وبندا بتحرك الخضار معها لما يحمى الزيت ونضيف الكمية البسيطة من الخطلة الي حضرناها وبنقوم بسوي الخضار نص سوية في الطنجره وبعدين بقوم باضافة الرز عليهم والتحريك مع اضافة الملح والبهار حسب الرغبة وبعد شي ثلاث دقائق من التحريك المتقطع عشان الرز ما ينتكسر بنكمرهم بالبخار لمدة دقيقة وحده وبنقوم باضافة الماء علية ومراقبة الرز لحد ما ينضج وهيك بتكون الاكلة لليوم خلصت وصحتين وعافية على قلبكم طريقة التقديم يفرد الرز في طبق كبير ويرش علية المكسرات ان رغبتم والدجاج يوضع فوقة والمرقة الموجودة الصينة توضع كصوص في زبدية لحال لانو راح يكون اطيب اشي في الاكلة طبعا الاكلة هاي تقدم مع اللبن يعني اليوم ما رح يكون عنا طبق سطلة واي استفسار انا جاهز
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:45 AM
|
المشاركة رقم: 3 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
معكرونة بالخصار مع صدور الدجاج البانية المكونات كيس معكرونة باي شكل حسب الرغبة نص كيلو صدور دجاج بدون عظم وجلد كيس خضار مشكل علبة صلصة طماطم او عصير طماطم فريش افضل بهارات – ملح – زيت – ثوم – بيضة – طحين او سميد طريقة التحضير بنقوم بسلق المعكرونه ولي ما بعرف بعبي طنجرة مي بحط شوية ملح ومعلقين صغار زيت قلي من شان ما تعجن وتحافظ على شكلها بعد ما تغلى المي بنحط فيها المعكرونة وبنخليها تغلي لمدة 5 دقائق او لحد ما تطرى بتعتمد على نوعية المعكرونه وبعدين بنصفيها وبنتركها لا تبرد هسا الخضار بنقوم ببرش ثوم بمقدار سنين ثوم برش ناعم ووضعها مع الزيت الغير حامي وتركها تسخن مع الزيت ولما يبلش الثوم يتحمر شوي بنضيف الخضار عليها وبنقوم بتحريك الناعم المستمر لحد ما تستوي الخضار نص سوية بس تبلش الخضار تسوي نص سوية بنقوم باضافة البهارات حسب الرغبة ومن ثم اضافة عصير الطماطم الفريش(يعني بندوه مضروبة بالخلاط) او المعجون وبنضل نحرك لحد ما كل الخليط يتجانس مع بعضة ويبلش يغلى لمدة نص دقيقة بنضيف علية المعكرونة مع التحريك المستمر لا تشرب المعكرونة كل المرق ومن ثم تقلبها بالطنجره لمدة دقيقة بعديها وهيك خلصت المعكرونه هسا الجاج البانية بنغسل الصدور الدجاج الي عنا منيح بونقع الصدر الواحد الى قطعتين وبعدين بنجي صحنين واحد فية بيض مخفوق والثاني الطحين او السميد وممكن خلط الاثنين مع بعض بالاضافة الي بعض البهارات مثل الفلفل الاحمر المطحون بعدين بنقوم بنقع الصدور بالبيض لمدة دقيقة تقربا بالاثناء هاي بنحمي الزيت على نار متوسطة الحراره واول ما يحمى الزيت بنبدا بنشيل الدجاج من البيض وبنغمسة بالطحين ومن ثم الى المقلى وبنقوم بعملة التحمير للدجاج لحد ما يكسب لون فوق الدهبي بشوي طريقة التقديم توضع المعكرونة في طبق كبير وكذلك الدجاج ومن ثم يتم التوزيع على الصحون واي استفسار انا جاهز
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:45 AM
|
المشاركة رقم: 4 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
صينة لحمة بالخضار المشكلة مع الرز المكونات نص كيلو رز صن وايت او بسمتي حسب الرغبة كيلو لحم عجل او خاروف بدون عظم كيس خضار مشكل علبة صلصة طماطم او عصير طماطم فريش افضل علبة حمص حب نص كيلو بطاطا نص كيلو كوسا بهارات – ملح – زيت – ثوم – بيضة – طحين او سميد طريقة التحضير نقوم بغسل البطاطا وتقطيعها مكعبات كبيره وكذلك الكوسا بتجيب الصينة وبتحط فيها اللحمة والخضار والبطاطا والكوسا كمان والحمص الحب وبنحط عليهم الصلصة الطماطم وكاستين مي وبنصيف عليهم بهارات وخل ملح ونخلطهم كلهم مع بعض وبنغلمهم بورق الالمنيوم وحطهم بالفرن ساعة واكشف عليهم من شان كمية الماء ان كانت شبة ناشفة زيده بمقدار كاسة وطي النار شي وخليها كمان ساعة وبعدين اطفي عليها وقبل الفطور بنص ساعة قوم بشوي الوجة وهيك بتكون جاهزه للتقديم هسا الرز بنقوم بغسل الرز المنقوع وتصيفتة من الماء بنقوم باحماء شوية زيت وبنحط علية الرز وبنقوم بالتحريك المتقطع لمدة ثلاث دقائق وبعدها بنضيف معلقة ملح صغيره عشان الرز ما يعجن وبنحرك كمان شي دقيقة بشكل متقطع لحتى الرز ما يتكسر هسا بنضيف الماء للرز بمقدار سبلة اصبع او عقدة اصبع بالنسبة للبسمتي وسبلة ونص للصن وايت وبنخلية على نار معدلة يغلى لحد ما بنشف المي عن اكثر من نصف الطنجره وطبعا وهو مغطى وبعدين بنوطي النار علية كتير وبنخلية لا ينشف كل المي وهو مغطى او فتره عشر دقائق بالكثير (اكثر شي عشر دقايق على نار هادية كتير من شان ما ينحرق ) وبعدين بنطفي تحتة ولا بنحركة ولا اشي على العكس بنخلية مكمور بالبخار من شان يفتح الرز لحالة ويستوي بشكل كامل وهيك اكلتنا الليوم بتكون جاهزه طريقة التقديم يوضع الرز في طبق كبير وتوضع بجانبة الصينة ويسكب حسب الرغبة وصحتين وعافية وان شاء الله تكون عجبكم الطريقة والي ما بعرف اي اشي يسال __________________
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:46 AM
|
المشاركة رقم: 5 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
معكرونه باللبن مع الخضار السوييه وشرائح الستيك المكونات كيس معكرونه كيس خضار علبة لبن 250 غرام لحمة مفرومه خشن 200 غرام صنوبر اربع شرائح ستيك بهارات – ملح – زيت – ثوم – زبده – نعنع ناشف طريقة التحضير نقوم بسلق المعكرونا كما علمناكم بالمره السابقة وبعدين بنصفيها وبنخليها لحد ما تبرد وبعدين بنقوم ببشر بصلة صغيره بالطنجرة ومن ثم اضافة اللحمة المفرومة عليها وبنقوم بالتحريك لحد ماء الي جوا اللحمة ينشف وبعدين بنقوم باضافة البهار والملح حسب الرغبة وبندير الخلطة هاي على المعركرونه وبنخلها منيح وببحذر عشان ما تعجن المعروكنة هسا بنجيب اللبن وبنشر علية سن ثوم ونخلطة معاه وبعدين بنضف علية معلقة نعنع ناشف للبن ونحركة لحتى كلو يختلص مع بعضة وبعدين بندير اللبن على المعكرونة وبنخلهم مع بعض وبنحها بالثلاجة لمدة ساعتن او ثلاث وقت التقديم بنقوم بتحمير شوية الصنوبر ونرشهم على الوجة هسا السوتيه السوتية سهل كتثر بنغلي بتطنجرة مي وبس تغلي المي بنطفي النار وبنحط الخصار فيها لمدة ربع ساعة الى عشرين دقيقه وبعدين بنصفيها بنحمي شوية زبدة الطنجره بس تحما الزبدة بنقوم بتقليب الخضار فيها على السريع مع رشة ملح صغير وفلفل اسود بس وبخليها لمدة دقيقة وحده وبنرفعها عن النار هسا اللحمة الستيك بكون جاهز ما عليها غير انها نرش علية شوية ملح وفيفل اسود ونحمي النار بالزيت ونقوم بقلية ونحميره ولي بحبو يكون خفيف ممكن انهم يدهنو صينية زيت شوي ويحطوه بالفرن يراقبوه لا يستوي طريقة التقديم توزع الخضار في طبق وكذلك المعكرونه والسيتك كمان وتوزع لكل شخص حسب الكمية المراده صحة وعافية للي بحبو الخبز مع هاي الاكلة اطيب شي معها الخبز الفرنسي وصحتين وعافية وان شاء الله تكون عجبكم الطريقة والي ما بعرف اي اشي يسال
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:46 AM
|
المشاركة رقم: 6 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
مقلوبة بالزهره والباتنجان المكونات كيلو رز جاجتين مقطعين الى 8 قطع نص كيلو باتنجان نص كيلو زهره حبتين بطاطا كبار بهارات – ملح – زيت – ثوم – بصل – كمون طريقة التحضير بنقوم بتقشير كل من الباتنجان والزهرة وفركهم بالملح ووضعهم بالشمس لمدة ساعة عشان كل المي تاعتهم تصفي لحالها من شان ما تشرب زيت في القلي عشان يكون خفيف على المعدة الدجاج بنحطة بالطنجرة وبنفرم علية سن ثوم وحبة بصل ورشة بهار وبنخلية ينشيف ميته بالاول وبس تنشف بنحط علها مي من شان السلق وبهار وملح وحبة بصل مقشرة واكم سن ثوم وهاي احسن طريقة عشان مايكون في زفره للدجاج الزر بنكون ناقعية بمي ومغيرن المي علية كذا مره من شان يخف النشا لي فية واي اوساخ او اي ترسبات تروح منه وكمان البطاطا بنكون مقشرينها ومقطعينها قمار متوسة الحجم وناقعينها بالمي هسا بنحمي الزيت وبندا بقلي كل من الباتنجان والزهره نص قلية وبنحطم على طبق فية محارم من شان الزيت كمان يتصفى منيح وبنرش عليهم كمون وفي الاثناء هاي بكون الجاج استوى اكيد بنصفية ونخلي المي تاعته في طبق جانيبي وبنخلص من بواقي البصل والثوم الي المي بنصفي الرز من المي وبنرش علية البهارات والملح وفي ناس بتحب تكتر البهارات على المقلوبة مافي مانع بس بشرط تكون بهارات حلوه الجمع وهي اهم شي في اكلة المقلوبة عشان الشكل والنكهة بنجيب طنجرة كبيره الحجم ومنيح بحيث انها تستوعب كل الاشياء هاي بنقوم بصفيط البطاطا بعد من نصفيها من المي في قاع الطنجره بحيث انها تغطي القاع كلة تقريبا وبعدين ببنحط رشة رز خفيفة وبعدين بنصفط الجاج في الطنجره بشكل دائري بالطنجره وكمان بنخلي مسافات بين القطع فوق الجاج على الجهة اليمين بنقوم بوضع الباتنجان وبالجهة الشمال الزهره او العكس ممكن وانا بعمل هيك عشان ممكن ناس ما بتحب الزهرة في الاكلة او الباتنجان عشان الحرية في الاكل وبنرش رشة كون تانية على الزهره والتانجان وباقي الرز كلة بنضيفة بالطنجره فوق المكونات السابقة ببندا بتشريب المرقة تاعت الدجاج شوي شوي على الطنجره لحد ماتغمر كلها بمقدار سبلة ونصف من لاصبع وبنخليها على النار لا تنشف المي ويستوي الرز بشكل تام مع مراعات انو النار تكون هادية تحتها وبس تستوي بنخليها شي ربع ساعة بعد ما نطفي النار تحتها طريقة التقديم بنجيب سدر كبير وبنقلب فية الطنجره وبنخليها مقلوبه شي مدة 3-4 دقائق بدون ما نكشفها وبعدين بنرفع الطنجره وكل واحد بسكب زي ما بحب شايفين ما اسهلها السلطة هي سطلة عربية وكمان اللبن ملاحظة صغيره المقلوبة ممكن تكون زهره لحالها او باتنجان لحالهها وبنفس الطريقة وممكن انها تكون على لحمة او جاج بس للناس الذواقة كتير يفضل اللحمة تكون لمقلوبة التاتنجان الدجاج بتكون لمقلوبة الزهرة والمكس تكون بالدجاج وصحتين وعافية وان شاء الله تكون عجبكم الطريقة والي ما بعرف اي اشي يسال
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:47 AM
|
المشاركة رقم: 7 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
منزلة الباتنجان (مطبق باتنجان) المكونات نصف كيلو رز نص كيلو لحم مفروم 2 كيلو باتنجان كبير 1 ونص كيلو طماطم بهارات – ملح – زيت – ثوم – بصل – كمون علبة رب البندورة صغيره كتير طريقة التحضير بنقوم بتقشير الباتنجان وغسلة وتقطيعة قمار وقطع خميلة شوي وبعدين بنجيب شوية بصل بنحمرهم بالزيت وبنحط عليهم اللحمة المفرومة بنبهرهم ونزبطهم لحد ما تستوي اللحمة بنحط عليهم رشة دبس رمان وكان معلقة رب البندوره ونص كاسة مي وبنخليهم يغلو لحد ما تقل كمية المي للربع بنطفي تحتيها هيك بنكون خلصنا 75% من لاكله هاي هسا بنعسل البندوره بناخد منها كيلو وبنقطعها وبنضربها بالخلاط وبنضيف عليها باقي العلبة الصغير تاعت رب البندوه من شان لا نملح ونكسب اللون كمان هسا بنجيب صينه وبنقوم بفرد شارئح الباتنجان بس مش كلها لا نصها وبعدين بنجيب خلطة اللحمة الي جضرناها سابقا وبمعلة طعام عادية بنحط فوق كل قطعه من الباتنجان كمية مناسبة والي بحتار ملعقتني كبار بكفو هسا بنعطي كل قطة من الباتنجان الي علية اللحمة المفرومة بقطعة تانية من الباتنجان تاصير تقريبا شبة سندويشة البرغر وفي ضايل عنا تقريبا نص كيلو بندوه بنغسلة وبنقطعة قمار وبنفق قوق البانجان وان كان ضايل لحمة مفرومه ممكن انها نوزعها على الوجة مش مشكلة وبعدين بنصب عصير البندوره الي حضرناه وبنغطي الصينة بالسلوفان وبندخلها الفرن لحد ما المي تنزل للنص بنطفي تحتها وبعدي بنقوم بشوي الوجه وبنحضر الزر (سبق وقلتلك كيف بنعملة) طريقة التقديم بنحط الصينة زي ما هي والرز في طبق كبير وكل واحد بده بياخد قطعة مع شوي من الصوص الي في الصينة مع الرز وصحتين وعافية خلصت اكلتنا لليوم في ناس راح تختلف معاي بالاكلة هاي انهم بقلو الباتنجان هيك راح يكون تقيل على المعدة بالقلي واحنا حريصين انوالمعدة ما تتعب وانا من الناس الي بنصح ما ينقلا لانها هيك ازكا بكثير راح تطلع جربوها وخبروني وهيك احسن للكلليسترول وصحتين وعافية وان شاء الله تكون عجبكم الطريقة والي ما بعرف اي اشي يسال
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
|
12-24-2007, 09:47 AM
|
المشاركة رقم: 8 | |||||||||||||||||||||||||||||||||||||||||||||||||||
|
كاتب الموضوع :
Dr Flash
المنتدى :
..~:: منتدى الاطباق الرئيسية ::~..
صينه سمك بالفرن مع الرز بالروبيان المكونات كيلو ونص سمك فيلة نصف كيلو رز نص كيلو روبيان كيس خضار بهارات – ملح – زيت – ثوم – بصل – كمون طريقة التحضير اولا السمك بنغسل مينح وبنقعة الليمون والخل والكمون والبهار السمك بنحطة بالصينة ونفرم معاه بصلتين كبار على شكل شرائح وحبتين بندوره فرمة ناعمة وليمونه معصوره ونص كاسة مي بنغلفها بالسلوفان وبندخلها الفرن وينخلها لا تنضح وبعدين بنقوم بشوي الوجة وهيك بتكون خلصت الرز مع الروبان والخضار الروبيان لانو بدوب بسرعة احسن شي ان نحطة بمي ونخلية لحد ما يفك والخضار بننقها لمدة نص ساعة بماء مغلي وبعدين بنحمي شوية ويت وبنحط علية حبة ثوم مفروم بنخليها لا تبدى تتحمر بنصفي الخضار ونحطها على الزيت وبنقوم بتحميل الخصار لمدة دقيقة او 2 وبعدين بنحط الرز المنقوع بعد التفصفة وغسلة(حكيناها كتير) وبنقلبهم مع بعض وبعدين بنصيف المي بمقدار مناسب يعني سبلة اصبع فوق مستوى الزر وينخلية لا تنشف المي عنة وبعدين بنحط الروبيان علية وبنقلبة ونخلية لا يتضخ تمام وهيك اكلتنا بتكون خلصة لليوم طريقة التقديم بنحط الصينة زي ما هي والرز في طبق كبير وكل واحد بده بياخد قطعة مع شوي من الصوص الي في الصينة مع الرز وصحتين وعافية وصحتين وعافية وان شاء الله تكون عجبكم الطريقة والي ما بعرف اي اشي يسال
|
|||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
(View-All)
Members who have read this thread : 0
|
|
| There are no names to display. |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ألذ ( ام علي) ممكن تذوقيها من مطبخ ام ناصر (بالخطوات المصورة) | om naser_64 | ..~:: منتدى الحلويات::~.. | 10 | 04-04-2012 06:31 PM |
| مراييل مطبخ | flower5447 | ..~:: منتدى الاطباق الرئيسية ::~.. | 6 | 10-05-2009 10:24 AM |
| مطبخ الزهراء باجمل الالحان | om naser_64 | ــ๑II♥II๑ ــ الصوتيات والمرئيات الفلسطينية ــ๑II♥II๑ ــ | 4 | 04-03-2009 09:01 PM |
| مطبخ غريب** | اكابر الحب | منتدى الصور والرسومات | 7 | 12-14-2008 06:29 PM |
| شفتو أصغر مطبخ في العالم ... | rose | منتدى الصور والرسومات | 16 | 12-27-2007 05:24 PM |
Dr Flash 
طبخات واكلات 
العرض العادي
