+ الرد على الموضوع
صفحة 1 من 4 1 2 3 ... الأخيرةالأخيرة
عرض النتائج 1 إلى 8 من 31

الموضوع: مواويل و عتابا و ميجنا فلسطينية 100%

  1. #1
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!! مواويل و عتابا و ميجنا فلسطينية 100%

    حبابي على السفر حلو رحلهم
    مجال بعيد ما بقدر روح الهم
    و كل ما بقول عن قلبي راح الهم
    بيجيني الهم عا تلك الطباع

    عباب الدار لزرعلك لموني
    و كل الناس في حبك لموني
    وكرمال عيونك لظل بلا موني
    عبد مرهون لحين الطلب



    ميجنا يا ميجنا يا ميجَنا

    يا ويلٍ حَالي هَبّطو لَدْيارِنا

    أوف يلِّي حَرَمتني أسْكُنْ بداري

    وترَكْتني لنَذل أسمع واداري

    وجَعَلْت البُومْ يزعَقْ بداري

    إن شاالله بدارْهِمْ يِزْعَق غرابْ

    يا شيب راس دشَّرونا احبابنا

    أوفْ جُرْحْ لُبنان في يَدْكُو وضَعْتوهْ

    تركتوا الطِّفلْ عمْ يبْكي واضَاعْتوه

    الميتم الِّي عَ حدودْكو وَضَعْتوهْ

    امْسَاعَدة لَلْذَبح ، في لبنان، الشباب

    الله يخونك يا زمان الْ خَنْتِنا

    يابا الدَّهِرْ دولابُه دارْ بِي

    وبصَيحْ وفِشْ عادلْ دارِ بِي

    يابا الحرامي صار ساكن دارْ بَيِّي

    وعَمْ بِسَمِّيني مْخَرِّب ابْوابْ

    الله يديمك يا أهالي بلادِنا

    إخوة ليشْ عَمْ نِذْبَحْ بَعَضْنا

    وذَنَبْ صَهْيونْ لاحِقْنا وبعُضّنا

    علينا واجب نْنْظِّفْ بَعَضْنَا

    وما يبْقى بيننا غيرِ الطيّابْ



    تِشوفْ الْغَرب لْلحَرِبْ بِحَرّكو

    الشّرق ما يْخافْ لَوْ رَجّتْ بِحاركو

    إذا السوفيتْ يا كارْتَرْ بَحَرْكو

    السِّلِمْ بِسود وِتْوَلِّوا هَرَبْ

    على دلعونا على دلعونا

    إلكو تحيّة من عَيْلَبونا

    ونِحنا مِنْغَنِّي عن جُرْح بْلادي

    يللِّي بفْديها بْروحي وفُؤادي

    جيراني صحابي أهْلي ووْلادي

    كُرّْمال بْلادي عمْ يضَحوِّنا

    على دلعونا على دلعونا

    إلكو تحيِّة من عَيْلَبونا

    من يوم خُلقْنا بِنْخْدِمْ شَعبْنا

    إذا مْنِتْراجع ويلي شُوعيبنا

    يا ربي تبارك وحدة شعبنا

    تنظل نجابِه حُكُمْ صَهْيونا

    على دلعونا على دلعونا

    إلكو تحيّة من عَيْلبونا

    نِحْنا بشَعْبِ بْلادي بنتْغَنَّى

    لْبيوم الأرِض لَصيتُه رَنّا

    تحْيا عرَّابة ساخنين دير حنّا

    كانوا فوارِس كانوا يموتُونا

    على دلعونا على دلعونا

    إلكو تحيّة من عَيْلبونا

    فُرْقِتنا كلّها فُرقَة وطنية

    ما عنده فارقْ ولا عُنْصريّة

    وكلّنا بنَّاظِلْ لاجْلِ القَضية

    تنعيش سَوِيِّة بِفَلسْطينا

    على دلعونا على دلعونا

    إلكو تحيّة من عيلبونا

    يا شعبي اصْمُد ظحِّي بشبابَكْ

    لازمْ تتحَمّل تِجْني أتْعابَك

    أوعَى تتنازَلْ ويفوتُوا اعْتابك

    اذْنابِ الحكومِة والـْ يحْكمُونا

    على دلعونا على دلعونا

    إلكو تحيّة من عَيْلَبُونا



    من اغانى الزفة

    لمين هالدار الكبيرة اللي محوطها كرم التين
    والعطشان يشرب عصير هاذي دار ابو محمد

    لمين هالدار الكبيرة اللي محوطها كرم اللوز

    هاذي دار ابو محمد والعطشان يشرب كازوز


    يا عز الطنب غالي علينا هيه يابو محمد يا جار لينا
    يا عز الطنب غالي علية هيه يا بومحمد يا جار ليه
    ونشوف فلسطين مين تولاها هاتوا جريدة تنا نقراها
    تنشوف فلسطين مين استلمها هاتوا الجريدة وهاتوا قلمها

    صارت لينا صارت لينة المليحة

    صار السعد يدرج على التسريحة

    صارت لينا صارت لينا المزيونة

    صار السعد يدرج على اللمونة

    صارت لينا صارت لينا النشمية

    صار السعد يدرج على العلية

    صارت لينا صارت لينا الغزالة

    صار السعد يدرج على الخزانة

    صارت لينا صارت لينا الغندورة

    صار السعد يدرج على الحاكورة

    لمين هالخيول المربوطة في الخوخ

    هذي خيول ابو محمد ومجللة بالجوخ

    لمين هالخيول المربوطة في التين

    هذي خيول ابو محمد ومجللة بحرير

    الزينة مليحة ولا نسخى نغربها

    من بيت ابوها لحرجات العمام

    الزينة مليحة على ايديها نقش حنة

    يا محمد لو لحق الطلب غنى

    راحو المجاريح يشكو من فعايلنا

    لا احنا من طرف ولا هزايل

    بنات الأمارة خاص الحمايل

    لا احنا من طرف ولا من دون

    بنات الامارة خاص الحمولة

    والبدلة البيضة من طبريا

    جابوها السمّاكة مع البحرية

    والبدلة البيضا من حيفا وغاد

    جابوها السماكة مع الصياد

    لا تقولو بغني من رواق راسي

    بسلي في همومي قدام الناسِ

    لا تقولو بغني من رواق قلبي

    بسلّي في همومي اللي كتبها ربي

    يا طيرٍ طاير بيدي عليتو

    سلم ع محمد وين ما لاقيتو

    يا طير يا طاير بيدي رفعتو

    سلم ع محمد وين ما لمحتو

    حملت الجرة جديدة ترشح

    ياكحلة عينك في القلب تجرح

    من دمع عيني لاملي ابريقي

    وارش الشارع مع الطريق

    صلن ع النبي لتحسدنو

    امو الحزينة تتقلدنو

    صلن ع النبي لتحسدونا

    أمو الحزينة تتقلّدونا










  2. #2
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    في زفة العريس

    يارزق الحلال درج يا غزالة
    ريتك من نصيبي درج يا حبيبي
    يا ام غصون العالية تلولحي يا دالية
    تلولحي لقدر اطول تلولحي عرضين وطول
    غلّن مهر العرايس يلعن أبو المدارس
    غلن مهر الطالبات يلعن ابو الجامعات
    حطيتي البلاوي فيه يام الثوب ال طرزتية
    في نص الليل تعالي خذيه وعن جويزك خبيتيه
    ضميني بحضينك ضم يام الثوب حزامو زم




    زريف الطول
    عذبت قلبي وعمقت الجروح يا ظريف الطول وين رايح تروح
    لو كان عقلو بالجبال موزنا من رافق الزين لازم ما يسوح

    يا عقد لولو بصدير البنت
    يا ظريف الطول هنت هنت



    واشهدوا يا حباب اني الليلة حلمت

    ام العيون السود بحضني نايمة



    يا ظريف الطول وين اهلك غدو

    ع جبل حوران شالو وابعدو

    يا مين يبشرني ويقولي عاودو

    ياخد فدانين مع فلحة سنة



    يا ظريف الطول يا عين العنبري

    والبنات رخاص التسعة بوزَرِ

    يلله يا عزب اتقلّب واشتري

    منديل راحة والسعر مبينا



    يا ظريف الطول ملا انت ظريف

    ما عذب القلب الا الخد النظيف

    يا مين يحب الله ويعطيني رغيف

    رغيف المحبوب بيكفيني سنة



    يا ظريف الطول يا عين العنكبوت

    قفلو علية الباب من وين افوت

    ما بفوت الحلوة حتى لو بموت

    لو حطو في قليبي بارودة مكبسنة



    يا ظريف الطول طولك بعرفو

    ما تبوسش خدي يا نذل تقرفو



    يا ظريف الطول ماشي قلنقوز

    يا حزام البنت في حزام العجوز

    لاروح للحاكم اقولو ما بيجوز

    حزّمها بتلفون واحكمها بسنة



    يا ظريف الطول ويا حلو الحلو

    وحامل القربة على الصلب الحلو

    بالله يا بنت اسقيني من الدلو

    كلو على حسابك يا إبن بلادنا



    يا ظريف الطول ويا مشمل شمال

    ياللي طولك مع نسيم الهوا مال

    ساق الله يالمحبوب تاكنّا جهّال

    تا كنا في الدار نواجه بعضنا


    والشعر الأشقر لحد الكعاب يا ظريف الطول ومحمّل عنّاب
    تيجيني عالدار واللا أجيك أنا بالله يا المحبوب تبعتلي جواب


    يا ظريف الطول طالع سلّمو

    من عنين الناس ربي يسلّمو

    مضيت العمر وانا بعلمو

    قدام الخلق لا تيجي دارنا



    يا ظريف الطول فش احلى منك

    يا كحيل العين بدي غرض منك

    جرحت قلبي وبضحك سنك

    يا بو عيون السود مقابل دارنا



    يا ظريف الطول مشيك دلع ليش

    يا كحيل العين هالبغضة عليش

    لو سقوني المر بعد المر شيش

    لا غنى عن شوف حبابي لا غنى



    يا ظريف الطول ع عين العلق

    والعنق شبرين وهيك الله خلق

    حلوة مليحة لو لبست خلق

    واشحال لو تلبس هدوم الولدنة



    يا ظريف الطول مر وما التفت

    ولعت نارو بقلبي ما انطفت

    وان كان يا ولفي ها العشرة جفت

    لا بارك الله في عشرة غيرنا


    قلبي بيحبك وربي يشهد يا ظريف الطول يا ابن بلدي
    يكتب حجاب المحبة بيننا يا سواق الغيم تسوق المغربي



    يا ظريف الطول يا عيني اليمين

    قولّي يا حبيبي بعدي تهوى مين

    يالله يا ابن العم تانحلف يمين

    ما حد يخش الدار غير أنت وأنا




    على دلعونا وعلى دلعونا
    هوا الشمالي غيّر اللونا
    وهوا الجنوب غيّرلي حالي
    ودَحَرْ من أرضي المجرم شارونا

    من سجن الجويدة طِلْعِتْ آهاتي
    ولمخيّم جنين وِصْلِتْ زفراتي
    لَوْ حرِّ الزّفرة بيطالِ عْداتي
    لحَرَقتِ جَحافِلْ جيشَكِ صهيونا

    على دلعونا وليش دلّعتيني
    لبن الفِدائي يومْ رضّعتيني
    خلّيتي فراقِكْ صَعْبُ وحزينِ
    سامحيني يا اُم الحُضنِ الحنونا

    يا أهلي بالله ابقوا اعذورني
    لحظة تفجيري غِبْتوا عَنِ ظنوني
    من أرضِ الوطن ملّيتْ عيوني
    وعلى سماها غِمْضِتْ الجفونا

    على دلعونا وليش دلّعتيني
    عرفتيني مجوّز ليش أخدتيني
    مكتوب كتابي عفلسطينِ
    عهِدْ شهادة عمري ماخونا

    يا شمسِ بلادي, ضَلّي لا تغيبي
    مع آخرْ شُعاع رايح حبيبي
    لَبّسني الدّبْلة وحتّم نصيبي
    وبإيدي زنّرتُه وبوّست عيونا

    يا شمس بلادي باللهِ دوري
    رجع حبيبي في الورد الجوري

    وصار جسْمُه الطاهر فُلُّ ومنتوري
    وقدّم لي مهري زهر الليمونا

    يا وفا إدريس شَعرِكْ الضّاربْ
    كلونِ التُربة بشمسِ المغارب,
    يوم استشهدتي, أسقَطْ شواربْ
    وغنّت الدنيا "جَدَعة ومَزيونا

    قومي من نومِكْ يا "عندليبِ"
    وقولي لأمّك جاني خطيبي
    ملفّع كوفيه وعَلَمي الحبيبِ
    زِفّونا ياللي كُنتوا تحبّونا

    على دلعونا, ودَلّعوا أرضي
    هالكانت مهدي والصارِت لحدي
    ترابَك يا وطن من تربة جِدّي
    وجدودْ جدودي اللي اندفنوا هونا

    با نابلسْ إبني وبنتي وحبيبي
    يومْ دكّوا أرضِكْ نَصَبوا صليبي
    يا بَلَدِ الثوّار, شبابُ وشيبِ
    يا جبل النار اشتعلي اَتونا

    يا قُدسِ العارج, يا باب السَمََا
    يا قدسِ الماشي بصليبُه يِدمَى
    استحلفنا باسمك من أخْرَسْ لاعمى
    لو سمع الصخِرْ كانوا سمعونا

    يا زُعَما العَرَب, "ربعِ الكراسي",
    حتّى "فقمّتكم" وطّيتوا راسي
    وفي السرِّ نزلتوا "للقاعِ" الخاسي
    وبوّستوا أيادي بوش وشارونا










  3. #3
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    على دلعونا

    وعلــــــــــــى دلعونــــــــــــة

    زيتـــــــــون بـــــــــــــــلادي أجمــــل مــــــا يكونــــــــــــا

    زيتون بلادي واللوز ا لأخضر والميرامية ولا تنسى الزعتــر

    وقراص العجــة لمـا تتحمـــر ما أطيب طعمها بزيت الزيتونا

    خبــز ملتوت وجبنــة طريـــة أكلــــة تدفينــــا بالشتويـــــــة

    وصحون السحلب والهيطليـة خلتنــا ننسـى بــردك كانونــــا

    يا ربي تشتي ونلبس طاقيـــة ونلبس كبود ونحمل شمسيــة

    ونغني سوى يا فلسطينيـــــة دايم في بلادي خبز الطابونـــا



    على دلعونا

    على دلعونا وعلى دلعونا *** اهلا ومرحبا بللي أجوني



    نسم تلانا يا هوا بلادي *** سلم علجبل سلم علوادي

    مشتاق أشوفك يا أرض جدادي *** طالت الفرقة عللي حبونا



    يا طير الطاير في الجو العالي *** عمري ما نسيتك دايم عبالي

    جبلي من حيفا تفاح الغالي *** هتلي من القدس حبة زيتونا



    يا ولد عمي المزروع ببيتك *** بلكي على الله جيت ولاقيتك

    يا زهر النرجس عمري ما نسيتك *** عمري ما بنسا زهر الليمونا



    سلم يا مسافر ع باب العامود *** قلو بستنا باليوم الموعود

    وان كتب ربي يا مسافرين عود *** لأفرح وأغني على دلعونا




    "على دلعونا على دلـعونا*****بي.. الغربة الوطن حنونا

    بالله إن متت يامّا اقبروني*****بأرض بلدنا بفيّ الزيتونا




    على دلعونا ... على دلعونا
    عيونك يا أمي أجمل ما يكونا
    ===================
    على دلعونا وعلى دلعونـــــــا ---- ما بنسى حبابي مهما يجـــــافونا

    يا طير الطاير وصّل مكتوبي ---- لبرموش هدابي حروفو مكتوبة




    على دلعونا وليش دلعتيني ___ وعرفتيني مجوز ليش حبيتيني
    لكتب كتابك على ورق تيني ___ ولجعل طلاقك حبة زيتونا
    وكلو جكارة وكلو جكارة ____ وحياة العدرة لعشق ختيارة
    وسجل باسمها بيت وسيارة ___ وخلي الصبايا منها يغارونا










  4. #4
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    ويلي دلعونة ويلي دلعونا ____ الله يعزبهن شو عزبونا
    وامي ويا امي حبيبي وينو ____ وفرق البحر ما بيني وبينو
    وكنو مديون بنوفيلو دينو ___ وعشرة عصملي وكرم زيتونا



    نزلو ثلاثة على تل ابيبي ______ وهما اللي قالوا للشمس غيبي
    يقطع نصيبو القطع نصيبي ____ ويحرم حريم اللي يحرمونا
    وينو بن عمي وينوا بن خالي ____ وين الحبايب اللي يحبونا




    على دلعونا على دلعونا

    يا ظريف الطول رد مليفي مليحتك

    والقلب زعلان ما بصالحك

    جفرا ويا هالربع من جوا القزارة

    شوف لمن يرى وهي تعدي مخبية

    وجفرا ويا هالربع

    شفتا بمنامي لابسه من جنس الحرير

    بدله عنابه

    استغفرت رب العالمين وخزيت الشيطان

    واستغفرت رب من هالبلية




    على دلعونا على دلعونا طلوا النشامى طلوا وحيونا

    عرس انتفاضه والفرح دايرْ بمولوتوف وحجر نضرب أعادينا

    عرس فلسطيني والدم مندفعْ والروح منعطي مشينا وما منرجعْ

    الأرض بتحكي والعالم يسمعْ شمسك يا وطني عزم بتعطينا

    طلع المخيم نادى المنادي انتفاضه وهبت قامت ببلادي

    قريه ومدينه التله والوادي إحنا هبينا وللنصر مشينا

    نادى المنادي يا نهاري الماشي المولوتوف سلاحي وحجري رشاشي

    بغير الحرية والله ما ارضاشي وحبهْ من ترابي والله ماتهونا

    نادى المنادي والسيف بيلمعْ التاريخ بيهدر والحق بيسطعْ

    الزند بيحكي والشمس بتطلعْ فجرك يا وطني نورو بعينينا

    نادى المنادي وسيفك يا شعبي حجارة من بلادي وهبة وراهبة

    بتهد الباغي وبتزيل الغربهْ وبتخلي الفرحة تزين أراضينا

    نادى المنادي ويا عالم اشهدْ عرس انتفاضهْ ونهاري ورّدْ

    خطوه وبفجر الحرية بنسعدْ وزهور النصر بترقص حوالينا.



    ميجانا ويا ميجانا و يا ميجانا
    وهج الدما يرسم دروب بلادنا
    وهج الدما يرسم دروب بلادنا


    يابا جمال محملي ,و جمالي بتعن ...وأيام ع البال بتعن
    يا يما حملت الروح ع كتفي ,وان أعن...
    فلسطيني انتهى عهد العذاب

    يابا علينا وما علينا و ما علينا
    يا ثلثين العرب صارت علينا
    يا هما الزرع وحنا المنجلينا
    لنحصدهم ع طول المدى

    ياباي يا باي يا باي




    جفرا

    جفرا وهي يا الربع
    وطير الحب الشادي

    يغني للسما الزرقا
    فلسطين بلادي

    ويقول القدس الحرة
    تحرم ع الأعادي

    حيفا ويافا وعكا
    والضفة الغربية
    * * *
    جفرا وهي يا الربع
    فلسطين بتنادي

    وتقول يا أهل النخوة
    مدوا لي الأيادي

    والله الوطن غالي
    بعيوني وفؤادي

    أفديه بروحي ودمي
    والبسمة الهنية

    جفرا وهي يا لربع
    أرضي وأرض أحفادي

    واليوم الثورة الكبرى
    والذكرى استشهادي

    والحجر يعانق مقلاع
    ويسجل ميلادي

    والكفن الأخضر خلوه
    لروحي هدية

    جفرا وهي يا الربع
    اسمعوني يا أولادي

    صونوا الوطن بالجفن
    واحموا ها البوادي

    وامشوا ع درب التحرير
    دربي ودرب أجدادي

    وشوشني الطير وقلي
    رجعتنا قريبة.




    جفرا وهي يا الربع

    جفرا وهي يا الربع نحلف ما نتراجع
    لو قبلوا ولادي الخمسة وقطعوا هالمراضع

    من رحم الأرض الحجر على العدا طالع
    من شرش الشجر تطلع زيتونة قدسيا

    جفرا وهي يا الربع وطلت من بيت ساحور
    صرخة بتهز الأرض سرقوا خبز التنور

    قتلوا رهبان المسيح عبد الكنيسة جور
    حرقوا مصحف النبي وقطعوا حتى الحيا

    غني ولا تفارق أرض مهما المحتل يصول
    من حب الجفرا انتفض ونادي بصوت الأرغول

    من شروقي زال الوجع وعالحوارة يصول السريس
    ما توقف ثورة شعب وحجارة بأيدي

    جفرا وهي يالربع من فوق السريس
    طلت صبايا الوطن فوق رصاص تدوس

    تصرخ من غزة ورفح من عين العروس
    تجاوب من فوق الجبل صرخة نابلسية










  5. #5
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    ظريف الطول

    ياظريف الطول يا ابن خالاتي

    انا لاكتب المكتوب والفو بشالاتي

    في ظريف الطول مضاني حالنا



    يا ظريف الطول والله انك ظريف

    عذبت قلبي يابو الخد النظيف

    يامين يحب الله ويعطيني رغيف

    من خبز المحبوب يكفيني سنة




    أوف مشعل اوف مشعلاني

    مع السلامة يا ظعن خلاني



    بشوف مشعل على بلادو مقبل

    حمّل جميلو وعلى بلادو قبل

    زرع الحبايب في قليبو سبل



    بشوف مشعل وارد على المية

    ياخدود مشعل بالعسل مطلية



    باشوف مشعل وارد على الطاحونة

    ياخدود مشعل بالعسل مدهونة



    عتابا يا مطرق الفضة قدمها

    تخبط على الجوخ ما يعلم قدمها

    قالوا وزير الشام خدمها

    ملك العراق شد لها الركاب



    أنا لا صيح واصل لكل من هان

    رجل يضيفكو ما ينهان

    وأنا لا صحن القهوة مع الهان

    وأحيي الضيف مع كل من لفي



    بداري علي محبتكم بداري

    يا غصن البان لن تجرد قبالي

    واطلع يا ثوب العز وأتفرج بدالي

    رمان وعالم منتهى



    أنا لا عد النجم لو غاب

    وأصبر علي جفا المحبوب لو غاب

    واللي يعاشركو يسلم من جهنم والعذاب

    يوم الممات يا عز الأحباب



    أنا لا نام الليل وحدي

    واعد النجم لو غاب وحدي

    علي طريق المارقات اعملوا لحدي

    حتى الا غيهن من تحت التراب



    جمال محملة وجرسان بتعن

    وكل ما تِفْكَر اللي مضت عالبال بتعن

    حملت بضاعتي ودرت بها اعن

    غريب بلاد ما حدا مني اشترى



    يا قلبي بطل الوسواس والهم

    وأطحن من دقيق الصبر والهم

    وكل ما نقول الصفا يغلب على الهم

    واتاري الهم غالب عالصفا



    والله لا نام الليل واتقلّب بالحضين

    وأقلّب وردة الجاهل بالحضين

    ومتي يا حباب نتجمع بالحضين

    ونتذكّر زمانّا اللي مضى




    نسر يا شايب الرأس مالك على الدار حايم

    وإن كان بدك لحم ناس احضر يوم الحرب والكواين



    يا الكحل مصحون في الهون

    ياما فرق على كل السلاح

    يا ما قتل كل شب غندور

    تبكي عليه الصبايا الملاح



    أصيل فعل ايش وتأسف عليه وانقال

    واحتار يقول ايش بين الرفق العزاز

    وان كان قتلي عندكو جاز قومو اقتلوني

    وأنا مشهد علي نفسي

    وأتاري الرفيق كنز ذهب مع طول الزمن ينعاز



    يا حلو ياللي قميص النوم شكا منك

    طالب وصالك بس أنا مختشي منك

    لان جدتن علينا والجودة والكرم منك

    مجدتش علينا لينا رب نشكيلو

    يوم القيامة نخلص حقنا منك



    يا قلبي فضك من العكر واشرب من اللي راق

    هو العكر بتشرب ؟ واللا العكر بنذاق ؟

    يا ما كتبنا محبة وياما رمينا وراق

    وهذي المحبة طلعت ع العزيز فراق



    أني ايش سويت يا وعدي يا مكتوبي

    متين محبوب للي يسلّك دروبي

    والليل كما الغول كل الناس تخاف منو

    قتيل المحبة لم يخاف منو



    والله ما ني بالهم مهموم ولا بالسر بايح

    وأضحك لو كنت مهموم والقلب كلو جرايح



    سريت بليل وأهلي لم درو بي

    قطعت دروب وأكثرها دروبي

    لو بدري منايا الموت قاعد الي ع الدروب

    كان ودعناك يا عز الأحباب



    أبو محمد يا عز النزول

    وكل من قاصدك همو يزول

    ع باب الحوش لابركلك ذلولي

    يابو كفٍّ ضاري ع السخا



    تلغراف يا مركب على العود

    وكتر الهجر خلاني كما العود

    عاليوم لو الليالي اللي مضت بتعود

    لاغني عتابا وميجنا



    بالعيون ياما والله بالعيون

    ذهب يلطم سوالفها والعيون

    وأنا خايف عليكي من الحسد والعيون

    تسجد تحت الحسد والتراب



    صبرنا وقلنا الصبر طيب

    وفارقنا الولف بغير طيب

    يا ريت اللي سعي بفراقهم ما يظل طيب

    يموت وياكلو دود التراب

    وشبك عقلي بصنارة خفية مرق عني وخطماتو خفية
    ما بين اثنين ما يدري حدا يا ربي تسيب هالعشرة خفية










  6. #6
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    يا ظريف الطول وين رايح تروح
    لو كان عقلو بالجبال موزنا من رافق الزين لازم ما يسوح

    يا عقد لولو بصدير البنت
    يا ظريف الطول هنت هنت



    واشهدوا يا حباب اني الليلة حلمت

    ام العيون السود بحضني نايمة



    يا ظريف الطول وين اهلك غدو

    ع جبل حوران شالو وابعدو

    يا مين يبشرني ويقولي عاودو


    هي يا ام الشعر ع الحنك محني

    سواد عنيكي بقلبي جرحني

    وادعيلي يمة ربي يسامحني

    في مشي الجهل وأنا زغنونا



    انا لما لاقاني بالضحك تبسّم

    يا شحم القلب من جوة تقسّم

    يام الفسطان عالخصر مكسّم

    وارفعي الغرة عن العيونا



    سفيرة عزيزة مرباها تونس

    خدووك يا بنت ورد البقدونس

    يا مسافر شامة ع الطريق جولس

    سلم عالبيضة ال بها متهوما



    ياربي اطّلّع وانظر تلاية

    ما حد ابتلى مثل بلواية

    لحد عمامك مشو بالغاية

    وسعو بتعطيلي ما جوزونا



    ياربي اطّلّع دعا المظلومة

    محرومة من هذي الجيزة طلعت


    تدعي عابوها ريتو ما يقوم

    سبب تعطيلي ما جوزونا



    يا طير السما وجناحك مقصوص

    ودي سلامي لحبي مخصوص

    طنيب عليكي هي يام العقوص

    فكي الكلبشة من ايد المسجونا



    يا طير السما ومطوق باخضر

    هاتلي من أيديها الخاتم المحبّر

    بلكي ع البعد حبي يتذكر

    أبو عينٍ كحلة وحاجب مقرونا



    يا طير السما وجناحك قصو

    وأمك وأبوكي ع ذبحك وصو

    قولو للهامل وشّو بيخصو

    ما بيني وبينك يام العيونا



    وأحلى من ولفي ما شافت عيني فريت الحارة علي دورين
    يام عينٍ كحلة وحاجب مقرونا اجي عليكي والا تيجيني

    لا طلع عليكي الغنا ع كيفي
    خشمك يا بنت يا حد السيف
    والوعد دين يام العيونا وانتي وعدتي تجينا ضيفة



    بحياة أبوكي الغالي علية

    انتي مشبوكة واللا خلاوية

    اصلك فلاحة واللا قلاعية

    واللا من مصر اصل فرعونا



    على دلعونا على دلعونا

    لارحل واجاور سود العيونا

    ع شط البحر لا نصب شباكي

    واتصايد سمك انا وياكي

    ان طحتي في البحر لاطيح وراكي

    نزلني البحر علمني العوما



    على دلعونا يا مدلع باهلك

    وانت الزغيّر رماني جهلك



    واردع المية وارد علي المية


    بنت يا بنت حنّي عليّه

    من ثمار السنة لا تحرمونا


    لا طلع ع الجبل واضرب محجاني

    طوّل حبيب القلب ما جاني




    شوّشتو افكاري الله يرميكو الله يجازيكوا الله يجازيكو*
    واطلع من قلبي ما تعرفونا لن طالت المدة لأوريكو
    واللي جري منكو بيكفي على دلعونا ومن هانا وبسِّ
    واتراكو تملّي معيبونا كل ما اقولكو بتقولوا بنوفي
    بس احنا رفعنا عنكو جلبنا والله فيكو احنا ما عبنا*
    ولو متنا بايديكو أدفنونا وجدع يا جدع بالله سامحنا
    والله لاسامحكو مية في المية عمركو ما تبرولي من خطية*
    يا جدع سامحنا بصافي النية ويا مرحبا بك علّي تطلبونا*
    واللي في القلب ربي بيعلم بترحب فيه واللا بتتوجهن*
    لا هجم عليكوا في الليل الأظلم وأخذ وصالي من ظريف اللونا



    جفرا وجفراوية جفرا وهيه يا الربع
    لو قطعو ايديه ما بوخدك يالنذل
    للأهل علية وان كان الجيزة غصب
    للسمك في المية لارمي حالي في البحر

    وتقول يا عيوني
    جفرا وهي يا الربع
    يا عالم دلوني غشيم بنوم الحضن
    في البير دلوني وان كان حكيي زلل
    ما هو جزا ليه واقطعو فيه الحبل

    وتقول يا عمامي
    جفرا وهيه يالربع
    لو كسّرو عظامي مابوخذك ياالنذل
    في شرع الإسلام وان كان الجيزة غصب
    ياللي انتهم فيّه لا خذ حبيبي واروح

    تحشي القطن في الخيش
    يا شوفةٍ شفتها
    ترخي السوالف ليش واللي جويزها نذل
    واسكن في بيت الخيش لعوف بيت الحجر
    واخذ بدويه وادور مع العرب

    بتحصد وبتلمِّ
    يا شوفةٍ شفتها
    ع داير الثِّمِّ مدقوقةٍ بالوشم
    لابدلك بامي والله لو حكم القضا
    وابوية رهنيّة واخواتي هالأربعة

    تحشي الفشك في الفرد
    يا شوفةٍ شفتها
    ترخي السالف ع الخد واللي جويزها سبع
    واسكن في بيوت اليد لعوف بيت الحجر
    واخذ بدوية وادور مع العرب

    واشرف علي الوادي
    لاطلع ع راس الجبل
    نسم هوا بلادي واقول يا مرحبا
    يبلاه بحسّاد واللي سبب الفرقة
    وبهامة محنية يبلى بهوى البنية

    ساكت ما بتكلم
    مريت عن دارهم
    ع حيطهم علم يا دمع عيني مطر
    واعمل ظهري سلم لا عمل رجليه درج
    كما الحرامية واطيح ع دراهم

    بتخبزعلى الصاجِ

    يا شوفةٍ شفته
    خرفان ونعاج مرسوم ع صديرها
    والبيض غنّاجِ لا تزعلن يا السمر
    والسمر عنيّه والبيض شحم القلب



    الخطبة
    لما وصلنا دار ابوك يا ولد واحنا مشينا من بلد لبلد
    يا بيها يسوى قليعة حلب واحنا خطبنا البنت من بيها
    قلعة حلب تسوى مالها ذهب



    واحنا مشينا من الصبح للعصر واحنا خطبنا طيبات الاصل

    يا بيها يسوى قليعة مصر واحنا خطبنا البنت من بيها
    قلعة مصر تسوى سرايا وقصر

    حُمْنا القرايا ما لقينا غيركو يخلف عليكو كثر الله خيركو



    دار العريس

    يا بي العريس خلي مقعدك هانا برّد هوانا وطاب اليوم ملقانا
    للجود مبنية يا خي محمد يا مصطبة عليه
    شارو عليها الاعادي تايهدّوها

    تخسى لحاهم وانا سبع الرجاجيل










  7. #7
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    الحنـــــة

    وايش هالغزال الذي عن بابنا مارق

    خصرو رقيق وبوزو في العسل غارق

    وايش هالغزال الذي عن بابنا عدى

    خصرو رقيق وبالمنديل مشتدا



    حمام العروس

    مشطك وقع في الطشت يام الدلال

    بيك رضى واللا نزيدو كمان

    بيي رضي وحكي الامارة تمام



    مشطك وقع في الطشت يا نشمية

    بيك رضي واللا نزيدو مية

    بيي رضي وحكى الامارة تمام



    لا طاساتو حديد حمامكي جديد
    تخليلنا هالحمام بالله عليك سعيد

    من مبارح العصر حمامكي مصري
    تخليلنا الحمام بالله عليك نصري



    الصمدة

    طير اخضر على كمك يا عروسة طير

    مبروكة على عمك وقدومك خير

    طير اخضر على ذيالك يا عروسة طير

    مبروكة على خالك وقدومك خير

    يا رفيقتنا يا عروس ياروح الروح

    يا ريتنا ودعناكي قبل ما نروح

    يا رفيقتنا يا عروس يا عين العين

    يا ريتنا ودعناكي قبل يومين

    ودعناكي ورجعنا الله معنا

    رب السما يجمعنا في بلادنا


    قومي اطلعي قومي اطلعي يا زينة

    ما ظل من فيدك ولا ملين

    قومي اطلعي قومي اطلعي من يمك

    واحنا حطينا حقوق ابوكي وعمك

    قومي اطلعي قومي اطلعي من حالك

    واحنا حطينا حقوق ابوكي وخالك



    تاتمرق بنت العزايز فرّش الحارة برايز
    تاتمرق بنت الحامولة فرش الحارة شلومه
    تتمرق الدولة مع العسكر فرش الحارة حرير اخضر


    داير على غزالي داير يا عريس عليش داير
    والذهب على الطاقية وزغير فيدو شمسية
    والذهب على المسيحة وزغير فيدو بطيخة



    محمل فول اخضر جمل حبيبي ع دروب العسكر يا مين يدلو
    دروب السلامة يا مين يدلو محمل قضامة جمل حبيبي


    ترفع وسايدها ع الخزانة قولو لراعية الجمل نعسانة
    راس الحميمة والعصيبة فوقو قولو لراعية الجمل من فوقو




    حمام العريس



    عطرلو شليشو هالعريس

    غالي ع اهل حوشو هالعريس

    واحلق يا حلاق وعطرلي شليشو

    نيّال العريس الغالي ع اهل حوشو

    عطرلي منديلوٍ هالعريس

    غالي ع اهل جيلو هالعريس

    عطرلي عقالو هالعريس

    غالي على خوالو هالعريس

    عطرلي محرمتو هالعريس

    غالي على مرتو هالعريس




    يا رايحة لام العريس قوليلها
    يلبس ويلبس جملة العرسان قزيت لو متين بدلة مخيطة


    عريسكي دخل الحمام عطشان
    يارايحة لام العريس قوليلها

    يشرب ويسقي جملة العرسان
    قزيتلو متين شربة مزوقه



    عريسكي دخل الحمام جعان
    يا رايحة لام العريس قوليلها

    يوكل ويطعم جملة العرسان
    قزيتلو متين وزة محمرة



    شليشو يلمع يا سلام
    طاح المدلل الحمام

    شليشو يلعب للهوا
    طاح المدلل الغِوا

    شليشو يلعب للعِرِس
    طاح المدلل للّبس




    لما يروحوا على دار العروس

    لا بسين ملبسين طالعين من باب هالدار
    على كتوف السلاطين لا بسين الجوخ الاخضر
    من عيون الحاسدين وابعدو العريس عن خيو


    لابسات ملبسات طالعين من باب هدار
    على كتوف البشوات لابسين الجوخ الاخضر
    من عيون الحاسدات وابعدو العريس عن خيو


    العريس وربعو راكبين مهارة العريس وربعو راكبين مهارة
    لخوف بنيك لتصيبو العين زغرتيلو يامو يام اسوارة
    والخيل تلعبو على الصفين يا مرحبا هذا بنية معاهم


    وليش ما تنعم علينا ياملك ياسَمَك عظمك جرحني ياسمك
    ليش ما تنعم علينا يا وزير ياسمك عظمك جرحني باليمين
    ليش ما تنعم علينا يا سلطان ياسمك عظمك جرحني بالشمال


    في سوق الجية في سوق الجية يا عريس بيع امك
    رطلين هدية رطلين هدية هات لي بحق امك


    في سوق الساحل في سوق الساحل ياعريس بيع امك
    جوز المكاحل جوز المكاحل هاتلي بحق امك










  8. #8
    مدير عام 6 نجـــــوم is on a distinguished road الصورة الرمزية 6 نجـــــوم
    تاريخ التسجيل
    Jul 2007
    الدولة
    UAE
    المشاركات
    10,709
    معدل تقييم المستوى
    10

    !!c!!

    يابو محمد شرع باب دارك

    بابي مشرَّع وصيتي الفرو الحوراني



    فى دار العريس



    هذي ضيفتك حييها هذي ضيفتك يا عريس
    هذي جاهلة ربيها لا تسمع من كلام امك
    هذي ضيفتك كرّمها هذي ضيفتك يا عريس
    هذي جاهلة علّمها لا تسمع من كلام امك



    ارفع راسك يا عريس مالك زعلان

    على حدّك عروسة عود الريحان

    ارفع راسك يا عريس مالك مِعْبِس

    على حدك عروسة عود الرِّنْجِس



    مبارك عرسك يا عريس دير المية ع السريس
    مبارك فرحك يا مزيون دير المية ع اللمون
    مبارك فرحك يا فلاح دير المية ع التفاح




    --------------------------------------------------------------------------------
    قاعد على القوز من تحتو قناة بتجري

    يا حلو صادو عزالك وانت ما تدري

    شباب اللي عليهم يعمر السامر

    وقفولي وقفة نشامى تجبر الخاطر

    شبابنا رودت بناتنا غنت

    ياريت من شافت الشباب وما صلت

    يبلاها بكاس العمى بعد العمى ولّت

    يا حلو يا زين مكتوبك لفي معنا

    لما قرينا الورق هلّت مدامعنا

    تو الكلام انعدل تو الكلام اندار

    تو الكلام انعدل مع مرقة الشطار



    في ذنب الكديش اربطولي الشايب
    بدو ام الشليش ملعون ابو شيبو
    في خم الجاجات اربطولي الشايب
    بدوِّر ع البنات ملعون ابو شيبو
    ولا دلالو ما بديش الشايب
    واخذ بدالو بكرة يموت الشايب
    عاش القمل في لحيتو والشايب ان عاش
    ولا محبتو محبة الكلب الاسمر
    محلا المعرش فيه محلا هوا داركو

    ما جيت اقيّل فيه لولا هوا بنتكو


    وخزاين مال ما قبلش ابوها عتابا عاتبتني وعاتبوها

    عمنو ما قبل لي بعطا يا ربي يسخم البنت ع ابوها


    وانا اللي شاب راسي ونشف دمي لبست ثوب الحرير سباغ دمي
    واموت بداركو وانتو السبب يا اهيل البنت لارميكو بدمي


    يا جرّو ع الحصايد ما يواتي لبست ثوب الحرير وما يواتي
    كلام السبع اوجع من الحراب يا نذل ضب كلامك ما يواتي


    وقطوفو رابية بين الدوالي

    وانا المريض يا خوي تعال لي وكيف الراي عندك والجواب

    وانا بعد ما كنت وردة في بلكون

    نسيتوني ولا باجي ع بالكون

    وامانة يا حبابي تخلوني ع بالكون

    بعدد ما نسم الغربي هوا


    رحل جاري الحبيب ال كنت اجيلو

    خلع قلبي كما خلع النجيلة

    تحرم عليّه داركو عاد اناجيها

    لو شاب النسر وابيض الغراب




    لوا زنودو على زنودي لواوين

    ياحاملين النعش عاد لوين

    ما تستنو نودع هالحباب




    نفدي الوطن بالروح ما دام فينا حي

    ونقوم ضد العدا ونصيح باسم الحي

    واللي مات تحت الصوارم ذكرو للقيامة حي

    فهذا قليل على أهل الوطن والدين

    ربي باسم النبي وبعشرة قامو الدين

    عاشوا كرامى ينادو باسم الدين

    لم نختلف عن قولنا مادام فينا حي



    زحلة عروس مزينة

    ومزينة برجالها

    ياربي تكبر مهرتي

    تكبر وانا خيالها



    شباب لمو بعضكم

    والموت للعمرو دنا

    يا صخرة القدس الشريف

    كنتي عمود بلادنا



    زحلة عروس مزينة

    ومزينة برجالها

    لا تحزني يا فلسطين

    واحنا فداكي روحنا




    عتابا

    زمان الحرب طال بطول مدة

    طويلة ع الغنا والزلم مدة

    وهذا احنا ما بين جزر وبين مدا

    مثل موج البحر اخذ وعطا



    هَلَك ياللي حميت العز عليت

    لربعك ما اعتليت الفشل عليت

    إلك ضرب لفحول الضد عليت

    اسد يوم الكريهة ما تهاب



    هلي رايات والدنيا تظلهم

    سبوعة يونسو الخايف بظلهم

    بحق المرهف المسمى بظلهم

    عِلو على كل من شد الطناب



    دوايا وخلتي شالو وهمهم

    سِرَى ما قطب جروحي وهمهم

    هموم اهل البلد زالت وهمهم

    مقيم وما يفارق ع المدى





    مغرّب والعدية لا يحنا هلي دنّو الهوادج لا يحنّا
    الحديد وتولد العاقر ضنا ياعين ابكي عليهم لا يحنا



    انا الشايب رزين العقل ما يظل

    شارب من نباع العلم ما يظل

    ثابت يوم هرج الخيل ما يظل

    سوى صحاب العمايم والشناب



    بعلمي والتقى نلت الاربعين

    الشباب برغم تخضعلي الاربعين

    التوبة تنسما بعد الاربعين

    لان الجاهلين الهم ثواب



    قد ما تحصر من الراي عشراي

    عليك تحرم من العمر عشراي

    حيدر تاب وهو ابن عشراي


    وآمن من مع نبينا المصطفى

    انا الشايب مروي سلو ومنة

    وعلينا الرب بالرضوان منا

    نعم انه فليس الهدى منه

    لكن ربك جعلنا واسطة





    إلي ذكراً خاض البحر والبر

    ولا بس من حرير الباخ والبر

    اراكو تؤمرون الناس بالبر

    وتنسو ذاتكو بين الشعاب



    جيتك فوق ضامرٍ خاض بحرين

    عيونو مثل شعلة نار بحرين

    بوغى وقد خلط بالهيجات بحرين

    النشامى والقنا بيطعن جناب



    جيتك فوق ضامرٍ خاض بالجو

    ضراغم شهب سيف الصبح بالجو

    بوغى وتسمع انين القوم بالجو

    السما وجروحهم تقطر سحاب



    جيتك فوق ضامرٍ خاص بي كام

    بوغى وقد سام سوق الحرب بيكام

    اصيل وفرق الجيشين بيكام

    الكريهة باع فيها واشترى



    بتطربني الربابة ودق ع الناي

    بشجيلي فؤادي الضرب ع الناي

    يا شايف صورتي تقول عناي

    عود وميّلو ريح الشتا



    علي سماك رب البيت باسماك

    وحاشا انك تشوف الضيم باسماك

    الهي نزل الميمون باسماك

    عِلِيْت على كل من شد الحراب



    على دبر همومك دبر

    علي خلى ظهور الخيل دبر

    علينا لا اعتلى المامون دبر

    يخلي السابقة تعض الطناب











+ الرد على الموضوع
صفحة 1 من 4 1 2 3 ... الأخيرةالأخيرة

Thread Information

Users Browsing this Thread

There are currently 11 users browsing this thread. (0 members and 11 guests)

     

المواضيع المتشابهه

  1. أغنية فلسطينية بتجنن لحق حالك وادخل وحملها قبل غيرك
    By 6 نجـــــوم in forum منتدى المحذوفات والمواضيع المكررة
    مشاركات: 3
    آخر مشاركة: 10-09-2010, 10:13 PM
  2. شجاعة أُم فلسطينية**
    By اكابر الحب in forum ¨°oمنتدى فلسطين الحبيبةo°¨
    مشاركات: 2
    آخر مشاركة: 05-03-2009, 06:28 AM
  3. أحاسيس فلسطينية بالصور...
    By LOLO in forum ¨°oمنتدى فلسطين الحبيبةo°¨
    مشاركات: 11
    آخر مشاركة: 03-10-2009, 06:46 PM
  4. امثال فلسطينية لا تفوتكم
    By نجم فلسطين بالغربة in forum ¨°oمنتدى فلسطين الحبيبةo°¨
    مشاركات: 7
    آخر مشاركة: 02-06-2009, 12:33 AM
  5. أمثال فلسطينية
    By يافا in forum ¨°oمنتدى فلسطين الحبيبةo°¨
    مشاركات: 3
    آخر مشاركة: 12-03-2008, 11:45 AM

تعليمات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك